সৰুতে নতুন চোলালে বাট চাই থকা সময়বোৰ। হোলোঙা ফ্ৰক এটা দেতাই আনি দিয়ে।গোটেই অসমৰ মানুহ সুমাই চুবুৰীয়া ৰাজ্যৰো আধা সুমাব পৰাকৈ। মায়ে কয় ভালেই হ’ল তাই ডাঙৰ হোৱালৈকে পিন্ধিব পাৰিব। দেতাই শলাগি তৎ নেপাই মোক ইমানেই ভাল দেখে।। অত শলাগনিত গম পাবলে বাকী নেথাকে মই যে গদাপানীৰ চোলাত সুমাই পৰা গতি এটালে গৈছো।মনতে ভাবোঁ… ডাঙৰ হোৱালৈকে পিন্ধিব পৰালৈ সৰু কালচোৱা চোলাটোৱেই মোক পিন্ধি ফুৰিব মানে।
এবাৰ বিয়ালে পিন্ধি ওলালো। অকল মূৰতো ওলাই আছে নিজৰ বুলিবলে। মামাহঁতৰ গাঁৱত বিয়া। মামাই মাক সুধিছে অকলে আহিলি যে বাইদৌ। মায়ে কৈছে মাইনাও আহিছে। মামাই পিছলে চাই কৈছে ইয়ৌ ফাপৰিক মই দেখাই নাই। কজলা ৰঙৰ কি চোলা আনি দিলি এইক এইটো , গৰু পোৱালীটো বুলিহে ভাবিছিলো মই আমাৰ।
সেইচাট বেইজ্জতীৰ পিছত ইজ্জ্বত বুলিবলে কি বাচি থাকিল মোৰ, যে বিয়াখন খাম। মায়ে বিয়া ঘৰলে নেযাম বুলি মোক কিমান ধুনীয়া লাগিছে বৰ্ণনা কৰে।লগতে এইটো ক’বলে নাপাহৰে তেওঁৰ মানুহতোৱে অনা চোলাটো এটা পিচেই বজাৰত ওলাইছে যিটো কেৱল মইহে পিন্ধিছো ।
মামা হঁতৰ চোতালেদি বিয়ালে যাওঁতে মামাহঁতৰ গোহালিটো চকুত পৰে। যদি মামাই কোৱাতোৰ দৰে লাগিছো, গৰুজনীয়ে পুতেক বুলি মোক চাই হেম্বেলিয়াবই। তেনেতে হেম্বেলনি এটা শুনি মই ৰৈ দিওঁ……মানুহে মিছা ক’লেও গৰুৱে নকয় ।মোক কজলা গৰুৰ পোৱালীৰ দৰেই লাগিছে হয় ।মাকে হেম্বেলিয়াইছে গোহালিৰ পৰা।
মায়ে ওভটি আহি মোক টানি নিয়ে। বিয়াঘৰত মোৰ দৰে মডেল কেইবাটাও দেখিহে গালৈ তৎ আহে। এজনীৰ পামচু টাইপৰ এযোৰ নাও খনৰ সমান ,কাপোৰ ভৰাই লৈছে।ডাঙৰ হ’লে পিন্ধিব পৰালৈকে আনি দিছেনে সুধিলো তাইক।,তাই কৈছে খুৰাৰ দৰা হওঁতে বিয়াত পিন্ধাহে এইযোৰ।এনেই পৰি আছিল বাপেকৰ পৰামৰ্শত পিন্ধি আহিছে।মই মনতে এইৰ বাপেক মোৰতো বাপেকতকেও দূৰদৰ্শী ,অৱশ্যে আমাৰতোৱে এইযোৰ পালে পানী বাঢ়িলে নাও কৰি গৰুলে ঘাঁহ কাটিবলেও হলেও যাব।
মোৰ বয়সৰ এটা মডেল পালো, চুয়েটাৰ নিপিন্ধিলেও হয় যদিও ঠাণ্ডা পৰা নাই।তাই পিন্ধিছে হলেও। চুয়েটাৰটো আঠুৰ তলত পৰে। তলৰ অংশটো চেণ্ডেলতে শেষ যদিও অকনমান কিবা ওলমি আছে। চয়েটাৰৰ তলৰ ফ্ৰকটোৰ অংশ। সুধি দিলোঁ ,চুয়েটাৰৰ তলত কি সেইটো। নিজৰে ফ্ৰক , ওচৰৰ বিয়া বাবে মাকে নতুন পিন্ধিবলে নিদিয়ে, দূৰলৈ পিন্ধে সদায় নতুনবোৰ তেওঁৰ মতে। সেয়ে মাকে দেখিব বুলি ওপৰত ককায়েকৰ চুয়েটাৰ এটা পিন্ধি আহিছে।মুঠতে পিন্ধিহে এৰিছে নতুনটো।
মোৰ ফ্ৰকটোৰে এখনেই বিয়া খালোঁ…… পিছলৈ সেইটো দেতাই পিন্ধি ঘাঁহ কাটিবলে যাব বুলি মায়ে কাৰোবাক দি দিলে মনে মনে। 😂😂😂😂😊😂😂😂😂😂😂😂😂😂😂😂😂
2/_______হোলোঙা চোলাটোৰে মা দেতাৰ চকুত জোৰেৰে বিশ্ব সুন্দৰী হৈ থকাৰ সময়ৰে কথা।আহি গ’ল চুয়েটাৰৰ দিন। নামটো বেগী আছিল চুয়েটাৰতোৰ। মাৰ্কেট জমাই আছে বেগীয়ে।, কিন্তু মোৰ ভাগত পৰাটো বেগীতকৈও বেছিয়ে বেগী আছিল,ওচাইন বল্টৰ দৰে।অনায়াসে দুইটা হাতত মা দেতাৰ দুইটা পৰিয়াল সুমাই ফুৰিব পাৰিব। সেইটো পিন্ধি লৈ জন্মদিয়া দুইজনৰে চকুত আৰু জোৰেৰে বিশ্বসুন্দৰীৰ ওপৰৰ লেভেল এটালৈ গুছি গ’লো। না সেইটো পিন্ধিলে তললে মোৰ ফ্ৰকতো ওলাই ,না মোৰ আঁঠুদুটা ওলাই। ফ্ৰকটো, চুয়েটাৰৰ তলত লাড্ডু পাতি থাকে,তথাপি মই বিশ্বসুন্দৰীতকে ওপৰত, তেওঁলোকৰ খৰচ হোৱা পইচা কিটাৰ জহত।
।চুয়েটাৰ দাঙি তললে টানি থাকো ফ্ৰকটো, তাৰ অস্তিত্ব ঘোষণা কৰিবলে। সিফালে চুয়েটাৰৰ হাত হোলোঙা দাঙিবই নোৱাৰি,হাত দুটা তললে ওলমি থাকে হাতীকাণৰ দৰে দুচাট।হাত দুটা কোঁচাই লওঁ মানে ওপৰলে দাঙি, তলৰ ওলোৱা ফ্ৰককন পিৰিক কে দৌৰ মাৰে ভিতৰলে, যেন তাৰ ভাও শেষ ,গ্ৰীণ ৰুমলে দৌৰিছে।
সেইখন যুদ্ধৰ মাজত ,মাৰে দেতাৰে প্ৰশংসা হাই লেভেলত। তেনেকুৱা ফাছ কিলাছ ডিজাইন প্ৰথম মই পিন্ধিছো বুলি। বুৰ্বকৰো বুৰ্বক সঁচা ভাবো তাকে। নামঘৰৰ কাপোৰ পিন্ধোৱা ডবাটো আৰু মোৰ মাজত পাৰ্থক্য বিশেষ নাই সেয়া মনলে নাহে। মামাই এদিন কৈছিল সেইটোৰে দেখি, বিশ্ব সুন্দৰী নহয় ,তোক বিশ্ব বান্দৰী লাগিছে। কোনে আনি দিলে তোক ভুতে চিনেমাত পিন্ধা চোলাতো।
মানে মই গোটইজনী এনেই ৯০ শতাংশ চুয়েটাৰতোৰ ভিতৰত সুমাই আছিলোঁ…মামাৰ কথাত ওলাই থকাকনো সুমুৱাই আজি পা নিপিন্ধো বালৰ চোলা,তহঁতেই পিন্ধ বুলি চোতালত এটোপোলা হৈ বাগৰি দিলো।
দেতাই কৰবাৰ পৰা আহি পাইছিলহে অলপ আগত। কথাটো শুনি ই নৰকীয়ে চেচ কে দিলে বুলি ,চাইকেল পেলাই, মোক ভৰিফালে ধৰি মামাক কয়, তই মূৰলে ধৰ, নতুন চুয়েটাৰ লেতেৰা হ’লে ঘূৰাইও ন’লব। এই বিছনাত বাগৰকগে। আহিয়েই তেজটোপা খালি, ধৰ ভাগিনিয়েৰক।
মামাইও তৎভট নেপাই ধৰেহি, বাটতে সুধে ক’লৈ নিম ভিনদেউ এইক।
দেতাই খঙতে মোৰ মূৰলে নে বুলি চিঞৰে।
মায়ে কয় বিছনালে নে হেৰৌ,সিনো কিতো জানে বাৰু এইবোৰ ।
দুইটাই মোক নি বিছনাত পেলাই ধমৰকে।
, মায়ে দেতাই পুনৰ মোৰ ৰূপৰ প্ৰশংসাত নামে। মামাকো মায়ে ইঙ্গিতেৰে কিবা বুজালে হ’বলা, মামাইও বহুত বলেৰে মোক শলাগেতোক এনেইহে কৈছিলো মই ভুতৰ চোলা বুলি।ভিনদেউৱে তোক ইংলিছ মেডিয়ামৰ হেডমাষ্টৰে পিন্ধা চোলা আনি দিছে। কন্দাৰ মাজতে ঘটক কে ৰৈ সুধিছোঁ সেইটো কি চোলা আকৌ। মায়ে কয় __মাষ্টৰ যেতিয়া ভাল চোলাই হ’ব তাকো ইংলিছ মেদিয়ামৰ ভাবচোন। লগত দেতাৰ উজান তাকো হেডমাষ্টৰৰ,মানে ফাদাৰৰ ভাবচোন।
ফাদাৰ ক’লতে বুজি পাই আকৌ বাগৰিলো,এৰা কান্দোন খনৰ পিছৰকনৰ পৰা, নিপিন্ধো মই বালৰ চোলা।
মায়ে দেতাক গালি দিছে। তাই হেডমাষ্টৰত ৰৈছিল,এই মানুহতোৱেহে বেছিকে বুজাই এইখন কৰিলে। কি কৰ কৰ হঁত।
মই কান্দিয়ে চিঞৰো, __মই ৰোৱা নাছিলো অ কাৰ লেখিয়া লাগিছে অৰ্থটো ভালকে বুজিবলেহে সুধিছিলো। নিপিন্ধো মই এইটো।
দেতাই তোৰ ভায়েৰ কলি কন্টকতোৰ দোষ নেদেখ,সি উদাহৰণ নেপালে আউ দিবলে।তাৰ উদাহৰণত জোৰ দিবলে গৈ হে এইখন হ’ল।
মামাই কথা বিষম দেখি পলাই পত্ৰঙ দিলে।
। দেতাই দুঢকা দিলে ধুনৌতি কাউৰি নম্বৰ কিমান পাইছিলি। লগত আহি গ’ল সত সতী তেওঁৰ পত্নী……ঠিক কৈছে। নম্বৰ সেয়া ধুনতো চা।যি দিছো তাকে পিন্ধ।
কথা বিষম দেখি তাকে পিন্ধিবলে মান্তি হ’লো।চুয়েটাৰৰ ভিতৰৰ পৰা নিজৰ বুলিবলে মোৰ ওলাই থাকে অকল ভৰি দুটা। কেতিয়াবা মাৰ লগত ক’ৰবালে গ’লেও মাক সুধে __অকলে যে নবৌ।
মই মাত দিওঁ…আছো চুয়েটাৰৰ ভিতৰত।।
তেনেকেই গাঁৱৰে বিয়া এখনত ফালি আছো। লগত তেনেকুৱা মডেল আৰু দুটামান।এটাতো জাতেকে ধৰিব নোৱাৰি, জন্মতে কি বিভাগৰ আছিল এইটো। দীঘল চুয়েটাৰ সৰু গাঁঠী চুৱে। দিজাইন দীঘল হলেও বেলেগ কথা, চুয়েটাৰতোক চিজাৰিয়ান কৰি দীঘল কৰা ধৰিব পাৰি। ডাঙৰ মানুহৰ কঁকালত পৰা,মানে তাইৰ খুৰাকৰ চাগে সেইটো। এজনীতো হাত মেলি দিলে যীশু খ্ৰীষ্টই সাইলাখ। তাৰ তুলনাত মই বহুত ভাল।
আমাক চাই ,আমাৰ বয়সৰ ষ্টাইলিছ দুজনীমানে হাঁহে, থৰি না পাত্তা দিম।
তেনেকেই খেলি খেলি, দৰা অহাৰ আগে আগে ভাগৰ লাগি চাইদতে আন্ধাৰত বাহিৰত ঠেলা এখন আছিল তিনিওজনী বহিলো। চয়েটাৰৰ ভিতৰলে হাত ভৰি কোঁচাই গোলকে বহি লেকচাৰ দি আছো। তাতে গ’ল টোপনি। যেতিয়া সাৰ পাওঁ……আমি চলন্ত গতিত। ঠেলাখনত দৈ আনিছিল খেৰো আছিল অলপ,এজনী কাটি হৈও পৰিল তাতে আৰামত। মই কথা শুনিবলে কাণ উনাও কলৈ আহিছোঁ বুলি, দুজন মানুহে কিবা ৰঙালাও অনাৰ কথা পাতিছে গাঁৱৰ মূৰৰ পৰা। তাৰে চাৰিটামান মাৰি দিব। ৰাষ্টাতে থৈ যাব,ঘূৰি আহি ঘৰলে নিব।দৰাঘৰীয়া খানালে পাচলি কমিল। ৰক্ষা বুলি মাত বোল নকৰি তাতে জুপুকা মাৰিলো মই,ঘূৰি একেজেগালেকে আহিম যেতিয়া চিন্তা নাই। ৰঙালাও ল’লে আন্ধাৰতে ঠেলা থৈ। সৱ দমালেও সোঁৱে বাওৱে, অথচ আমি থকা গম নাপাই।।লগৰ দুজনী তেতিয়াও টোপনিত। ৰঙালাও লৈ আহি ঠেলাখন খোৱা ঘৰৰ চাইদত থৈ প্ৰথম মোৰ মূৰত ধৰি টানিছে এটাই,বন্ধা চুলি কোচাত ধৰি। ওপৰলে নুঠো। আকৌ টানে নুঠো। বৰ গধুৰ অ বুলি এপাকত লগৰজনীক টানে চুলিত ধৰি । দিলে চিঞৰ সাৰ পাই , লগত সিজনীও সাৰ পাই কন্দাকটা লগালে। ঠেলাত ৰঙালাও অনা দুইটা কেল্লা মাত মতা কি ৰঙালাও দিলে ঐ বুলি ঠেলা এৰি পুখুৰিয়েদি দে দৌৰ। মই চিঞৰিছো ৰৱ আমিহে বুলি, আৰুহে দৌৰিছে।
মাত মতা ৰঙালাউ বুলি সিহঁত দুটা ক’লৈলৈকে দৌৰিল নাজানোঁ,আমি তিনিও জনী গপচত ৰভাতলত বহি আছোহি। পিছদিনা বাটৰ কাষত চাৰিটা ৰঙালাও পৰি আছে,সিহঁতে তাত থৈও মাত মতা ৰঙালাউ বুলি বুটনি নিনিলেহি।আমি কিজনীয়ে নি কইনা ঘৰত দি দিলোগৈ।
হাঁহিবোৰ সংক্ৰামক 😉😂 